حزب اختلاف جماعتوں کی رہبر کمیٹی کا اجلاس آج ہوگا۔

تفصیلات کے مطابق اجلاس میں آل پارٹیز کانفرنس بلانے پر مشاورت کی جائے گی جس کی صدارت اکرم درانی کریں گے جبکہ تمام اپوزیشن جماعتوں کے نمائندےاجلاس میں شرکت کریں گے۔

رہبر کمیٹی اجلاس میں ن لیگ کی جانب سے شاہد خاقان عباسی، احسن اقبال، ایاز صادق مریم اورنگزیب شریک ہونگے جبکہ نیرحسین بخاری اور فرحت اللہ بابر پیپلزپارٹی کی نمائندگی کریں گے۔

رہبرکمیٹی اجلاس میں حکومتی اتحاد چھوڑنے والی جماعت بی این پی مینگل بھی شریک ہوگی جبکہ پی پی، نون لیگ، جے یو آئی، جے یو پی، اے این پی، قومی وطن پارٹی کے رہنما بھی شریک ہوں گے۔

اجلاس میں پی کے میپ، نیشنل پارٹی، بی این پی عوامی، جمعیت اہلحدیث کے نمائندوں کی بھی شرکت متوقع ہے ۔

اجلاس میں اپوزیشن اتحاد کو مضبوط کرنے پر تجاویز لی جائیں گی۔  پاکستان پیپلزپارٹی، نون لیگ اور دیگر جماعتیں تجاویز پیش کریں گی۔ اجلاس میں اے پی سی کے ایجنڈا اور مستقبل کے لائحہ عمل پر غور کیا جائے گا۔