لاہور، فلورملز نے آٹے کی سپلائی روک دی

اقوام عالم میں کورونا کے مریضوں میں مسلسل اضافہ جاری

عروبہ خان

20th Sep, 2020. 12:01 am
شيئر

اقوام عالم میں کورونا کے مریضوں میں مسلسل اضافہ جاری ہے جس کے بعد دنیا بھر میں مریضوں کی تعداد تین کروڑ آٹھ لاکھ اور اموات نو لاکھ اٹھاون ہزار سے تجاوز کر گئی ہے۔

فرانس میں چار ماہ بعد ریکارڈ کسیز اور اموات رپورٹ ہوئی ہیں۔ مزید تیرہ ہزار سے زائس کیسز کے بعد فرانس میں مریضوں کی تعداد چار لاکھ اور اموات اکتیس ہزار سے بڑھ گئی ہیں۔

برطانیہ میں بھی کیسز میں تیزی آنے لگی ہے، مئی کے بعد پہلی بار چار ہزار سے زائد کیسز رپورٹ ہوئے ہیں۔

اس ضمن میں مشیر صحت کا کہنا ہے کہ کیسز میں اضافہ تشتویش ناک ہے اور ہمیں ایک بار پھر لاک ڈاؤن کی طرف جانا پڑے گا۔

ترکی میں بھی کورونا کیسز میں تیزی آگئی، مریضوں کی تعداد تین لاکھ کا ہندسہ عبور کر گئی ہے۔

انڈونیشیا میں بھی کورونا مریضوں میں تیزی سے اضافہ ہونے لگا ہے جس کے بعد ایک دن میں ریکارڈ چار ہزار سے زائد کیسز رپورٹ ہوئے ہیں جبکہ متاثرہ افراد کی تعداد دو لاکھ چالیس ہزار سے بڑھ گئی ہے۔