پنجاب حکومت بری طرح ناکام ہوگئی، لاہور موٹر وے واقعے، تونسہ شریف میں زیادتی کے بعد فیصل آباد میں ایک اور خاتون ہوس کے بھینٹ چڑھ گئی۔

تفصیلات کے مطابق فیصل آباد  کے جڑانوالہ علاقے میں دو افراد نے بیمار والدہ کی دوا لینے کے بہانے لڑکی کو بلا کر اجتماعی زیادتی کا نشانہ بنا ڈالا۔

پولیس کا کہناہے کہ دو ملزمان نے لڑکی کو دوائی کے بہانے بلا کر حوس کا نشانہ بنایا ، دونوں ملزمان زبیر اور اصغر کو گرفتار کرکے متاثرہ لڑکی کی درخواست پر مقدمہ درج کرلیا گیا ہے۔

متاثرہ لڑکی نے پولیس کو بتایا کہ اس کی والدہ شوگر کی مریضہ ہیں، انہیں فون کر کے ملزمان نے کہا کہ انہوں نے بیرون ملک سے شوگر کے مرض کے علاج کی دوائی منگوائی ہے، وہ دکان آکر لے جائیں، جب متاثرہ لڑکی دوائی لینے گئی تو دونوں ملزمان نے لڑکی کو نشانہ بنایا۔

واضح رہے کہ 2 روز قبل بھی وزیراعلیٰ پنجاب کے اپنے شہر تونسہ شریف میں ایک اور خاتون کے ساتھ مبینہ زیادتی کا واقعہ رونما ہوا تھا، جس میں متاثرہ خاتون کو لاہور موٹر وے واقعے کے انداز میں شوہر کے سامنے اجتماعی زیادتی کا نشانہ بنایا گیا تھا۔