پاکستان شو بز انڈسٹری کے اداکار فہد مصطفیٰ نے اپنی آنے والی فلم’’قائداعظم زندہ باد‘‘کی پہلی جھلک مداحوں کے ساتھ شیئر کی تو سوشل میڈیا پران کی تصویر پر گرماگرم بحث چھڑگئی۔

تفصیلات کے مطابق سوشل میڈیا صارفین فہد مصطفیٰ کا اس فلم میں جو لک ہے اس کا موازنہ بالی ووڈ اداکار سلمان خان اور رنویر سنگھ سے کررہے ہیں ،جوکہ  پولیس آفیسر کی وردی میں آنکھوں پرچشمہ لگائے دبنگ پولیس والے بنے ہوئے نظر آرہے ہیں۔

خبر یہ ہے کہ سماجی را بطوں کے مختلف پلٹ فارم پر صارفین کی جانب سے کیے جانے والے تبصروں نے بحث کی شکل اختیار کرلی ہے ۔

کوئی فہد کے نئے فلمی لُک کی تعریف کر رہا ہے تو کوئی انہیں بھارتی اداکاروں جیسے سلمان خان اور رنویر سنگھ کی کاپی قرار دے رہاہے۔