وزیر اعظم عمران خان نے کہا ہے کہ نمل یونیورسٹی میں پاکستان کے پہلے نالج سٹی کا قیام ان کا خواب ہے۔

تفصیلات کے مطابق سماجی رابطے کی ویب سائٹ ٹویٹر پرپیغام دیتے ہوئے وزیراعظم عمران خان نے لکھا کہ پاکستان میں پہلے نالج سٹی کا قیام میرا خواب ہے۔ وزیر اعظم نے نمل نالج سٹی میانوالی کے ماسٹر پلان کی ویڈیو بھی شیئر کی۔

The Master Plan of my dream to build Pakistan’s first knowledge city. pic.twitter.com/uxZKAUGFzc

— Imran Khan (@ImranKhanPTI) October 26, 2020

دو روز قبل وزیر اعظم نے میانوالی میں ایک تقریب سے خطاب کیا اور کہا تھا کہ قومیں کپاس اور کپڑا فروخت کرنے سے نہیں بلکہ انسانوں پر اور تعلیم پر پیسہ لگانے سے امیر ہوتی ہیں۔

وزیراعظم کا کہنا تھا کہ ہم میانوالی میں ایک عالمی معیار کی نمل یونیورسٹی بنا رہے ہیں جو ایک نالج سٹی ہوگا، یہاں سے پورے پاکستان کے لیے زرعی شعبے پر ریسرچ ہو گی۔

انہوں نے کہا کہ میانوالی میں گرلز اسکول نہیں تھے، نہ ہی اسپتالوں میں نرسز اور لیڈی ڈاکٹر تھیں، اب ہم اسپتالوں میں نرسز اور لیڈی ڈاکٹر تعینات کرنے کا منصوبہ بنا رہے ہیں اور میں نے حکم دیا ہے کہ یہاں کے اسپتال خود اخباروں میں اشتہار دیکر ڈاکٹر بھرتی کریں۔