کورونا وائرس کے باعث ویڈیو کالنگ ایپ ‘زوم’ پر دفاتر کی میٹنگز کا رجحان بڑھ گیا ہے۔

بین الاقوامی میڈیا کے مطابق ایک تحقیق میں یہ بات سامنے آئی ہے کہ زوم ویڈیو کالز کی وجہ سے دنیا بھر میں پلاسٹک سرجریز کی مانگ میں ریکارڈ اضافہ ہوا ہے۔

ایک رپورٹ کے مطابق امریکی محققین نے بتایا ہے کہ زوم پر خود اچھا نہ دِکھنے کے باعث لوگوں کا پلاسٹک سرجری کی جانب رجحان بڑھ گیا ہے تاکہ وہ جاذب نظردکھیں۔

پلاسٹک سرجری کے اس رجحان کو دنیا بھر کے کاسمیٹک ڈاکٹرز اور پلاسٹک سرجنز نے ‘زوم بوم’ قرار دیا ہے۔

رپورٹ میں کہا کہ ویڈیو کالز پر ایک طویل وقت گزارنے کی وجہ سے مردوں سمیت کئی افراد نے کاسمیٹک سرجری کے لیے رجوع کیا ہے۔

اس حوالے سے انجیکشنز لگوانے کے لیے سب سے زیادہ رجوع کیا گیا، جبکہ دیگر افراد جسمانی خوبصورتی بڑھانے اور لائپوسیکشن کے بھی خواہاں ہیں۔