پاکستان شو بز انڈسٹری کی خوبروصف اول کی اداکارہ ماہرہ خان نے دنیا بھر میں موجود اپنے لاتعداد مداحوں کو با لآخر بتا ہی دیا ہے کہ سال کا آخری مہینہ دسمبر ان کا پسندیدہ ہے ۔

تفصیلات کے مطابق ماہرہ خان نے سماجی را بطے کی ویب سائٹ انسٹاگرام پر اپنے بچپن کی ایک  یاد گارتصویر شیئر کرتے ہوئے اپنی سالگرہ کے مہینے کے لحاظ سے ایک پیغام شیئر کیا جس کے کمنٹ سیکشن سے معلوم ہوتا ہے کہ اداکارہ کو اپنی سالگرہ کا بےصبری سے انتظار ہے۔

پاکستانی اداکارہ نے رواں سال کے آخری ماہ کے آغاز میں ایک مایوسی نہ پھیلانے کا ایک خاص پیغام شیئر کیا ہے۔

ماہرہ خان نے لکھا کہ ڈیئر دسمبر، آپ کو معلوم ہے کہ آپ میری فیورٹ ہیں لہذا ناامید نہ کیجئے گا۔

واضح رہے کہ حال ہی میں دنیا کی سو بااثرخواتین میں پاکستان کی دو خواتین بھی شامل کی گئی ہیں ۔

برطانوی نشریاتی ادارے کی جانب سے دنیا کی 100 بااثر خواتین کی فہرست جاری کی گئی ہے، ان سو بااثر خواتین کی فہرست میں پاکستانی انٹرٹینمنٹ انڈسٹری سے تعلق رکھنے والی اداکار ماہرہ خان کو کریٹیویٹی (تخلیقی صلاحیت) کی کیٹیگری میں شامل کیا گیاہے جبکہ وزیراعظم کی معاون خصوصی برائے سماجی تحفظ ڈاکٹر ثانیہ نشتر کو نالج (علم) کی کیٹیگری میں شامل کیا گیا ہے۔

خیال رہے کہ برطانوی نشریاتی ادارے کی جانب سے ہر سال دنیا کی 100 بااثر خواتین کی فہرست مرتب کی جاتی ہے ۔

اس فہرست کو 4 کیٹیگریز میں تقسیم کیا گیا ہے جس میں علم، قائدانہ صلاحیت، کریٹیویٹی (تخلیقی صلاحیت) اور آئڈینٹیٹی (شناخت) شامل ہے۔