وفاقی وزیرفواد چوہدری کا کہنا ہے کہ کوئی تقریر یا بیان بغیر سیاق و سباق پیش کیا جائے تو معنی کھودیتا ہے ،وزیراعظم کی گفتگو ایک تناظر میں تھی ، دنیا کی سب سے زیادہ نالائق اپوزیشن بغلیں بجا رہی ہے،سارے افلاطون مریم اور بلاول کے بغل بچے ہیں ۔

تفصیلات کے مطابق فوادچوہدری نے سماجی رابطے کی ویب سائٹ ٹویٹر پر اپنے ٹوئٹ میں کہاہے کہ وزیراعظم کی تقریر پر سیاسی بونوں کے تبصروں پر حیران ہوں۔

کسی بھی تقریر یا بیان کو بغیر سیاق و سباق بیان بنا کر پیش کیا جائے تو وہ معنی کھو دیتا ہے، وزیر اعظم کی گفتگو ایک تناظر میں تھی، دنیا کے سب سے زیادہ نالائق حزب اختلاف ایسے بغلیں بجا رہی ہے جیسے سارے افلاطون مریم اور بلاول کے بغل بچے ہیں، احمقوں کا ٹولہ ۔۔

— Ch Fawad Hussain (@fawadchaudhry) December 23, 2020

انہوں نے کہا کہ وزیراعظم عمران خان نے کہاتھا حکومت میں آکر پتہ چلتا ہے معیشت کااصل حال کیا ہے،ہونا یہ چاہئے کہ امریکا کی طرح وقت ملے کہ ادارے نو منتخب حکومت کو فیکٹ شیٹ دے سکیں اور وزیراعظم حلف لینے سے پہلے پلاننگ کرسکے۔