چین نے ہر قسم کی موسمیاتی شدت میں بھی اپنی رفتار برقرار رکھنے والی بُلٹ ٹرین تیار کرلی۔

 تفصیلات کے مطابق یہ ٹرین منفی 40 ڈگری سینٹی گریڈ میں 350 کلومیٹر فی گھنٹے کی رفتار سے دوڑ سکتی ہے۔

مزید پڑھیں

380 کلومیٹر فی گھنٹہ کی رفتار سےچلنے والی ٹرین تیار

جدید ترین بلٹ’ ٹرین شنکانسین‘ نے 380 کلومیٹر فی گھنٹہ چلنے کا...

اس کا ڈیزائن ہوا اور ماحول سے کم مزاحم ہے جس سے توانائی اور ایندھن کی بچت ہوتی ہے ۔ٹرین کے عوامی استعمال کی حتمی تاریخ کا اعلان ابھی نہیں ہوا۔

یادرہے کہ اس ٹرین کو CR400AF-G کا نام دیا گیا ہے جو فیوکسنگ ٹرین سیریز کا ایک حصہ ہے اور اسے 6 جنوری کو منظرِ عام پر لایا گیا۔

علاوہ ازیں ٹرین کی پٹڑیاں اور نظام کو ہائی سپیڈ بنایا گیا ہے جو بیجنگ کو شمال مشرقی سرد علاقوں، ہاربِن اور شینیانگ سے جوڑے گی ۔

واضح رہے کہ ٹرین کو حادثات سے بچانے کیلئے روکنے کا جدید نظام نصب کیا گیا ہے جبکہ برفانی موسم میں بھی ایندھن کی مسلسل فراہمی کیلئے لیتھئم آئن بیٹریاں استعمال کی ہیں۔