ایران کے صدر حسن روحانی نے کہا ہے کہ آج ظالم دور اور بدنما حکمرانی کا آخری دن ہے۔

تفصیلات کے مطابق ایران کے صدر حسن روحانی نے ٹرمپ کے لئے اظہار خیال کرتے ہوئے کہا کہ ظالم دور کا خاتمہ ہوا اور آج اس کے بدنما زمانہ حکمرانی کا آخری دن ہے۔

ایران کے صدر نے کہا کہ ٹرمپ کی ایران کے خلاف زیادہ سے زیادہ دباؤ کی پالیسی مکمل ناکام ہوگئی

حسن روحانی نے یہ بھی کہا کہ ٹرمپ دور میں امریکیوں سمیت دنیا بھر کے عوام کو ناانصافی،کرپشن اور مسائل کے سوا کچھ نہ ملا۔

ایران کے صدر حسن روحانی نے مزید کہا کہ جوہری معاہدے سے متعلق بال اب امریکا کے کورٹ میں ہے جبکہ امریکا جوہری معاہدے پر واپس آتا ہے تو اپنے وعدوں کا پورا احترام کریں گے۔