متحدہ قومی موومنٹ (ایم کیو ایم) پاکستان کے سربراہ خالد مقبول صدیقی کا کہناہے کہ پی ٹی آئی بھی کراچی میں مردم شماری کے معاملے پر ہمارے ساتھ ہے۔

تفصیلات کے مطابق کراچی میں ایم کیو ایم اور تحریک انصاف کے رہنماؤں نے میڈیا سے گفتگو کی ہے۔ ملاقات کے دوران ایم کیو ایم سربراہ نے کہا کہ پی ٹی آئی کا اہم وفد متحدہ کے مرکز پر آیا۔

خالد مقبول صدیقی کا کہنا ہے کہ سابقہ مردم شماری پر بہت سے سوالیہ نشان ہیں، تاہم اس معاملے پر دونوں جماعتوں کی قیادت کے درمیان گفتگو کا اہم نکتہ مردم شماری رہا۔

خالد مقبول صدیقی نے مزید کہا کہ پی ٹی آئی بھی مردم شماری پر ایم کیو ایم کے ساتھ ہے۔

انہوں نے بتایا کہ مردم شماری کے نتائج کو اقتصادی رابطہ کمیٹی ( ای سی سی ) میں بھیجنے کا فیصلہ ہوا ہے۔