اٹلی میں عالمی وبا کورونا وائرس کے کیسز میں واضح کمی کے بعد حکام نے لاک ڈاون میں نرمی کردی ہے۔

خبر ایجنسی کے مطابق اٹلی کے شمالی علاقے لومبارڈی کو “ریڈ زون” سے باہر کردیا گیا ہے کیونکہ پانچ ہفتوں میں پہلی بار اٹلی میں کورونا وائرس کی شرح میں کمی واقع ہوئی ہے۔

پانچ ہفتوں کے دوران یہ پہلی مجموعی کمی دیکھی گئی ہے جبکہ انتہائی نگہداشت کے یونٹس اور ہسپتال کے وارڈز میں کیسز میں واضح کمی دیکھنے میں آئی۔ جس کے بعد حکومت کی جانب سے لومبارڈی کو ریڈ زون سے نکال کر اورنج زون میں منتقل کردیا گیا ۔

اٹلی کے وزیر صحت روبرٹو سپیرنزاکا کہنا ہے کہ چیلنج ابھی بھی سخت ہے۔لومبارڈی کے گورنر ایٹیلیو فونٹانا نے ریڈ زون سے باہر جانے کے اقدام کو بہترین خبر قرار دیا ہے اور کہا ہے کہ اسکول پیر کے روز سے ہی اپنی سرگرمیاں دوبارہ شروع کردیں گے۔