بختاور بھٹو کی شادی ، دولہا بارات لے کر بلاول ہاؤس پہنچ گیا۔

تفصیلات کے مطابق سابق وزیر اعظم پاکستان شہید محترمہ بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری آج محمود چوہدری کے ساتھ نکاح کے بندھن میں بندھ جائیں گی۔

ذرائع کے مطابق دولہے کی بلاول ہاؤس آمد ہو چکی ہے، ان کے ساتھ والد والدہ ، بہنیں اور دیگر مہمان بھی ہیں۔

ترجمان بلاول ہاؤس کے مطابق مہمانوں کی آمد کا سلسلہ بھی جاری ہےجبکہ نکاح کی تقریبات کے لیے بینڈ باجا بھی بلاول ہاؤس پہنچ گیا۔

نکاح کی تقریب بلاول ہاؤس لان میں شام سات کے بعد منعقد ہوگی۔

بلاول ہاؤس میں خوشیوں کا سماں ہے،27 جنوری کومہندی کی رسم ادا کی گئی تھی۔

 کورونا وائرس کے باعث تقریب میں بھٹو و زرداری خاندانوں کے انتہائی قریبی افراد اور دلہا کے نزدیکی رشتہ داروں نے شرکت کی۔

سابق صدر آصف زرداری نےمہمانوں کا استقبال کیا اور تمام وقت ان کے ہمراہ رہے۔

بختاور بھٹو کی شادی کی تقریبات کا شیڈول

 بختاور بھٹو زرداری کی شادی کی تاریخ کا باضابطہ اعلان کرتے ہوئے تقریبات کا شیڈول بھی جاری کیا گیا۔

ترجمان بلاول ہاؤس کی جانب سے کیے گئے اعلان کے مطابق  بلاول ہاؤس کراچی میں 24جنوری کو محفل میلاد منعقد ہوئی ، جبکہ مہندی کی ایک سادہ تقریب 27 جنوری کو ہوئی ۔

آج  29 جنوری کوبختاور بھٹو کے نکاح کی تقریب کا انعقاد کیا جائے گا جب کہ بختاور کی بارات کی تقریب 30 جنوری کو ہوگی۔

ترجمان  نے بتایا کہ سابق وزیراعظم شہید بے نظیر بھٹو کی بڑی صاحبزادی بختاور کی شادی میں  قریبی افراد کو مدعو کیا گیا ہے، جس میں ملک کے اہم سیاسی رہنما، فوجی، سول اور جوڈیشل سربراہان کو بھی دعوت نامے بھیجے گئے ہیں۔

چیئرمین پیپلزپارٹی اور دلہن بختاور کے اکلوتے بھائی  بلاول بھٹو نے اپنی بہن کی شادی پر ایک ہفتے کے لیے تمام تر سیاسی سرگرمیاں معطل کردی  ہیں۔

مزید پڑھیں

بختاوربھٹو کی آصف ذرداری کے ہمراہ منگنی کی ویڈیو وائرل ہو گئی

سابق وزیراعظم شہید بے نظیر بھٹو اور سابق صدر آصف علی زرداری...

مریم نواز کو مدعو نہیں کیا گیا

دوسری جانب مسلم لیگ ن کی نائب صدر مریم نواز بختاور بھٹو کی شادی میں شریک ہوں گی یا نہیں یہ سوال گزشتہ روز سے گردش کر رہاتھا تاہم اب ذرائع شریف فیملی نے واضح جواب دے دیا ہے۔

ذرائع شریف فیملی کا اس بارے میں کہنا ہے کہ ذرداری ہائوس سے ابھی تک کوئی دعوت نامہ نہیں آیا، بختاور بھٹو کی شادی میں آصف زرداری اور بلاول بھٹو نے مریم نواز کو مدعو نہیں کیا۔

ذرائع شریف فیملی کامزید کہنا ہے کہ پی ڈی ایم کے سربراہ مولانا فضل الرحمن کو بھی بختاور بھٹو کی شادی پر دعوت نہیں دی گئی۔