سابق صدر آصف علی زرداری کا کہنا ہے کہ ڈی چوک اسلام آباد کے منظر دیکھ کا شدید تکلیف ہوئی، تنخواہوں میں اضافے کا مطالبہ کرنے والوں سے دشمن جیسا سلوک نہ کیا جائے۔

تفصیلات کے مطابق آصف علی زرداری نے سرکاری ملازمین پر تشدد اور آنسوو گیس کی شیلنگ کی مذمت کرتے ہوئے کہا کہ میں نے کہا تھا عمران خان اقتدار میں آکر کریگا کیا، عمران خان عوام کے استحصال کے سوا کچھ نہیں کر سکتا۔

آصف زرداری نے کہا کہ سرکاری ملازمین کی تنخواہیں بڑھانے سے انہیں تکلیف کیوں ہو رہی ہے ؟ پیپلز پارٹی نے مشکل حالات کے باوجود سرکاری ملازمین کی تنخواہوں میں اضافہ کیا۔

انہوں نے مزید کہا کہ چھوٹے اسکیل کے ملازمین غربت کی لکیر سے نیچے آچکے ہیں،  سرکاری ملازمین کے معاشی استحصال سے ملک ترقی نہیں کرے گا۔