پاکستان مسلم لیگ ن کے رہنما اور سابق وزیراعظم شاہد خاقان عباسی کا کہناہے کہ ملک میں صدارتی یانیم صدارتی نظام لانےکی کوشش ہورہی ہے اور صوبوں کےحقوق پرڈاکہ ڈالا جارہا ہے۔

شاہد خاقان عباسی نے حیدرآباد میں جلسے سے خطاب کرتے ہوئے کہا کہ پی ڈی ایم کاموقف ہےکہ ملک کوآئین کےمطابق چلایاجائے،پاکستان کےمسائل کاحل آئین کی حکمرانی میں ہے۔

انہوں نے کہا کہ آج صوبوں کےحقوق چھیننےکی کوشش کی جارہی ہے، سندھ کےحقوق پرکسی کوشب خون مارنےنہیں دیں گے۔

رہنما مسلم لیگ ن نے مزید کہا کہ پی ڈی ایم ایک نکتےپرمتفق ہےکہ ملک کوآئین کےمطابق چلایاجائے، اٹھارویں ترمیم کےتحت صوبوں کوملنےوالےحقوق چھیننےنہیں دیں گے۔

انہوں نے کہا کہ آج پارلیمان کومفلوج کردیاگیاہے، سندھ کےحقوق کوئی نہیں چھین سکتا۔

جلسے کے شرکا کو مخاطب کرتے ہوئے شاہد خاقان عباسی نے کہا کہ 26 مارچ کوآپ کونکلناہوگا،چنددنوں کی تکلیف ہے،آپ کوبہترپاکستان ملےگا۔