صوبائی وزیر آئی ٹی سندھ تیمور تالپور کا کہناہے کہ ‏جعلی خان نیازی ملک کا سب سے بڑا کرپٹ انسان ہے، چینی چور اور آٹا چور مافیا کا سرغنہ عمران خان ہے۔

تیمور تالپور نے بیان دیتے ہوئے کہا کہ آصف علی زرداری پر کبھی کوئی کرپشن ثابت نہیں ہوئی ہے جبکہ سلیکٹڈ خان فارن فنڈنگ کیس کے پیچھے چھپ رہے ہیں انکوائری کیوں نہیں ہونے دی جارہی؟

انہوں نے کہا کہ ‏سندھ اسمبلی میں چاول میں کنکر ڈال کر کھلانے والا بھی آصف علی زرداری کے خلاف باتیں کر رہا ہے، آصف علی زرداری سے زیادہ ملک کا خیر خواہ کوئی نہیں۔

تیمور تالپور نے مزید کہا کہ آصف زرداری نے شہید محترمہ بینظیر بھٹو کی شہادت کے بعد پاکستان کھپے کا نعرہ لگا کر ملک و قوم سے سچائی کا ثبوت دیا۔