وزیراعظم عمران خان کا کہنا ہے کہ سیاست کا اصل مقصد عوام کی خدمت ہے، بدقسمتی سے یہاں لوگوں نے سیاست کو صرف پیسہ بنانے کے لیے استعمال کیا۔

وزیر اعظم عمران خان نے پشاور میں گورنر خیبر پختونخوا شاہ فرمان اور وزیر اعلی خیبر پختونخوا محمود خان سے ملاقات کی ہے، ملاقات میں صوبہ خیبر پختونخوا میں جاری ترقیاتی منصوبوں پر پیشرفت اور سیاسی امور پر گفتگو کی گئی ہے۔

وزیر اعظم عمران خان کی پشاور میں اراکین کابینہ اور پی ٹی آئی ممبران اسمبلی سے گفتگو کے دوران کہا کہ ان لوگوں نے ہر جگہ پیسہ استعمال کیا اور آب ان کی حالت نشان عبرت ہے، اخلاقیات جب ختم ہو جائے تو قوم تباہی کی طرف جاتی ہے۔

وزیراعظم نے کہا کہ ہم مستقبل اور اپنی نسلوں کی بہتری کا سوچتے ہیں، قدرت نے پاکستان کو ہر نعمت سے نوازا ہے۔

انہوں نے کہا کہ ہم اس لیے پیچھے رہُ گئے کیونکہ یہاں اقتدار عوامی خدمت کی بجائے پیسہ چوری کرنے کے لیے سنبھالا گیا۔

وزیراعظم کا اراکین کابینہ اور پی ٹی آئی ممبران اسمبلی سے گفتگو میں مزید کہناتھا کہ ہم ہر نظام میں شفافیت چاہتے ہیں، پی ٹی آئی اراکین نے وزیر اعظم کے وژن کی مکمل تائید کی۔