کےٹو پر سرچ آپریشن :جدید کیمروں کی مدد سے لاپتہ کوہ پیماؤں کی تلاش آج دوبارہ شروع کر دی گئی ۔

ہوم سیکرٹری گلگت بلتستان محمد علی رندھاوا کے مطابق علی سدپارہ سمیت دیگر دو لاپتہ کوہ پیماؤں کی تلاش آج دوبارہ شروع کی گئی ہے۔

محمد علی رندھاوا نے بتایا کہ سرولینس طیارے کے ذریعے لاپتہ کوہ پیماؤں کو تلاش کیا جائے گا، کوہ پیماؤں کی زمینی تلاش کے لئے ہائی پوٹرز بھی بیس کیمپ میں موجود ہیں۔

گزشتہ روز بھی موسم صاف نہ ہونے کے سبب ریسکیو آپریشن شروع نہیں ہوسکا تھا جبکہ علی سدپارہ کے صاحبزادے ساجد سدپارہ نے والد کے زندہ بچ جانے کی امید چھوڑ دی ہے۔

ریسکیو ذرائع کا کہنا ہے کہ محمدعلی سدپارہ اورٹیم جمعےکےدن سےلاپتہ ہیں۔