پاکستانی اداکارہ مہوش حیات نے پاکستانی نژاد برطانوی اداکار رض احمد کے آسکر ایوارڈ کے لیے نامزدگی پر خوشی کا اظہار کر دیا۔

پاکستانی اداکارہ مہوش حیات نے لکھا کہ رض احمد کا بطور مسلمان آسکر کے لیے نامزدگی بڑی اسٹوری نہیں ہونی چاہیے تھی، یہ ان کی پرفارمنس کی وجہ سے ہونی چاہیے تھی۔

مزید پڑھیں

آسکر میں نامزد ہونے والے پہلے مسلمان اداکار کون؟

پاکستانی نژاد برطانوی 38 سالہ اداکار رض احمد آسکر میں نامزد ہونے...

انھوں نے مزید لکھا کہ چلیں اس دنیا میں قبول کرتے ہوئے جہاں ہم مرکزی میڈیا میں منصفانہ حمایت کے لیے لڑ رہے ہیں، وہاں 1929 سے اب تک پہلے مسلمان کی نامزدگی بڑا اعزاز ہے۔

اداکارہ مہوش حیات نے رض احمد  کی حوصلہ افزائی بھی کی۔

واضح رہے کہ پاکستانی نژاد برطانوی اداکار رض احمد بہترین اداکار کیلئے آسکر میں نامزد ہونے والے پہلے مسلمان اداکار بن گئے ہیں۔

رض احمد کے سوشل میڈیا پیغام کے مطابق انہیں فلم ’ساؤنڈ آف میٹل‘ میں بہترین اداکاری پر اس ایوارڈ کے لیے نامزد کیا گیا۔