لاہور: لیڈی ہیلتھ ورکرز کا دھرنا جاری

بدعنوان عناصر سے لوٹی گئی رقوم برآمد کی جائے گی، چیئرمین نیب

وریشہ مسعود

07th Mar, 2021. 10:35 pm
شيئر

چیئرمین نیب جسٹس ریٹائرڈ جاوید اقبال نے کہا ہے کہ بدعنوان عناصر سے لوٹی گئی رقوم برآمد کی جائے گی۔

تفصیلات کے مطابق چیئرمین نیب جسٹس ریٹائرڈ جاوید اقبال نے اپنے ایک بیان میں کہا کہ بڑی مچھلیوں کے خلاف میگا کرپشن مقدمات کو قانون کے مطابق منطقی انجام تک پہنچایا جائے گا۔

چیئرمین نیب نے کہا کہ بدعنوان عناصر سے لوٹی گئی اربوں روپے کی رقوم برآمد کی جائےگی جبکہ تمام تحقیقات کو میرٹ ،شفافیت ٹھوس شواہد اور دستاویزی ثبوتوں کی بنیاد پر مکمل کیاجائے گا۔

جسٹس (ر) جاوید اقبال نے یہ بھی کہا کہ جسٹس ریٹائرڈ جاوید اقبال نے متعلقہ ڈی جیز کو ہدایت کی کہ وہ تمام میگا کرپشن کیساتھ ساتھ غیر قانونی ہاؤسنگ سوسائٹیوں کے کیسز کی تازہ ترین رپورٹ پیش کریں۔

چیئرمین نیب جسٹس (ر) جاوید اقبال نے مزید کہا کہ گیلانی اور گیلپ سروے کی رپورٹ کے مطابق 59 فیصد لوگوں نے نیب پر اعتماد ظاہر کیا ہے جبکہ ٹرانسپیرنسی انٹرنیشنل ،پاکستان ، عالمی اقتصادی فورم ،پلڈاٹ اور مشال نے بدعنوانی کے خاتمے کیلئے نیب کی کاوشوں کو سراہا ہے۔