آلو بخارا اپنے کھٹے میٹھے ذائقے کے باعث کھانے میں بہت پسند کیاجاتا ہے۔

ذائقے اور لذت کے ساتھ ساتھ آلو بخارا حیرت انگیز فوائد سے بھی مالا مال ہے ،خشک آلو بخارا وٹامن کے ، آئرن ، فائبر ، پوٹاشیم اور بیٹاکیروٹین سے بھرپور ہوتا ہے

 اس پھل میں چکنائی، پروٹین ، وٹامنس اے، بی، سی،کے اور ای پائے جاتے ہیں۔

صرف یہی نہیں کیلشیم ،آئرن ،پوٹاشیم ،سوڈیم اور میگنیشم بھی وافر مقدار میں پائے جاتے ہیں۔

براون اور بلیک رنگ کے بیضوی شکل کا یہ پھل اینٹی آکسیڈنٹ کا حامل ہے یہ کینسر کے امکان کو ختم کرتا ہے۔

یہ جسمانی اور دماغی صحت کیلئے بھی بہتر ہے۔

یہ کولیسٹرال کی شرح کو کم کرتا ہے اور جگر کی صحت کیلئے اکسیر مانا جاتا ہے۔

اس میں پوٹاشیم کی کثیر مقدار پائی جاتی ہے، اس لئے بی پی کو کنٹرول بھی کرتا ہے۔

رگوں اور ہڈیوں کے امراض میں مفید مانا گیا ہے۔

بدہضی، قبض کی شکایت میں آلو بخارا کا استعمال کرایا جاتا ہے جس کے حیرت انگیز نتائج برآمد ہوتے ہیں۔

اس پھل کا شربت گرمی دانوں سے نجات اور گرم موسم میں فرحت اور تازگی فراہم کرتا ہے۔

طبی ماہرین کے مطابق آلو بخارے کے استعمال سے خون کی کمی دور ہوجاتی ہے اور یہ چھاتی کے کینسر سے بچاؤ میں معاون ہے۔

شوگر کے مریض بھی اسے ہچکچاہٹ کے بغیر کھا سکتے ہیں۔

آلو بخارے کا استعمال بینائی کیلئے بھی مفید ہے۔

گرمیوں میں آلو بخارے کا شربت نہ صرف تازہ دم کرتا ہے بلکہ توانائی بھی پہنچاتا ہے۔

آلوبخارا بالوں کی نشوونمااور جلد کی خوبصورتی کے لیے بھی مفید ہے، یہ آئرن کی کمی کو دور کرکے بالوں کوگرنے اور قبل از وقت سفید ہونے سے روکتا ہے۔

اس میں موجود وٹامن بی ، سی اورمنرلز بالوں کو مضبوط بنانے اور جلد پر جھریاں نمودار ہونے سے روکنے میں مدد دیتے ہیں ۔