کمپیوٹر یا لیپ ٹاپ پر واٹس ایپ استعمال کرنے والے صارفین کیلئے بڑی تبدیلی سامنے آچکی ہے۔

تفصیلات کے مطابق اب اینڈرائیڈ اور آئی او ایس صارفین کیلئے ڈیسک ٹاپ پر آڈیو ویڈیو کالز کرنا ممکن ہوگیا ہے۔

اس حوالے سے واٹس ایپ کی سرگرمیوں پر نظر رکھنے والی ویب سائٹ ویب بیٹا انفو نے ٹویٹ کرتے ہوئے بتایا کہ اب تمام صارفین کے لیے ڈیسک ٹاپ پر بھی واٹس ایپ وائس اور ویڈیو کال دستیاب ہے۔

@WhatsApp voice and video calls are now available on desktop for everyone.

Advertisement

WhatsApp is rolling out these official status updates right now. pic.twitter.com/7viKLjqWnz

— WABetaInfo (@WABetaInfo) April 8, 2021

صارفین کو واٹس ایپ کے ڈیسک ٹاپ ورژن سے متعلق نئے فیچر سے آگاہ کرنے کے لیے واٹس ایپ کی جانب سے اسٹیٹس اپ ڈیٹ کیے جارہے ہیں۔

یاد رہے کہ گزشتہ ماہ میسنجر ایپ نے تصدیق کی تھی کہ واٹس ایپ کی جانب سے جلد ہی ڈیسک ٹاپ ورژن پر وائس اور ویڈیو کالز کا فیچر متعارف کروایا جائے گا۔