دہی بڑے چھولا چاٹ پاکستانی روایتی ڈش ہے جو بچوں اور بڑوں دونوں میں یکساں طور پر مقبول ہے۔ یہ نہ صرف رمضان میں بلکہ عام دنوں میں بھی بہت زیادہ شوق سے کھائی جانے والی ڈش ہے۔ دہی بڑے بنانے کے کئی طریقے ہیں ہر طریقہ اپنا ایک الگ ذائقہ رکھتا ہے۔ آج ہم آپ کو بہت ہی خاص انداز سے اسپیشل مزیدار دہی بڑے چھولا چاٹ بنانے کا طریقہ بتانے جارہے ہیں۔

چٹخارے دار چھولا چاٹ کی اس آسان سی ریسیپی سے افطاری کو مزید لذیذ بنائیں۔

ماش کی دال۔۔۔۔۔۔۔۔۔۔ ایک پیالی

مونگ کی دھلی دال۔۔۔۔۔۔۔۔۔۔ آدھی پیالی

نمک۔۔۔۔۔۔۔۔۔ حسب ذائقہ

ادرک۔۔۔۔۔۔۔۔۔۔۔ ایک انچ کا ٹکڑا

پیاز۔۔۔۔۔۔۔۔۔۔ ایک عدد درمیانی

دہی۔۔۔۔۔۔۔۔۔ تین پیالی

میٹھا سوڈا۔۔۔۔۔۔۔۔۔۔۔ چٹکی بھر

دودھ۔۔۔۔۔۔۔۔۔۔۔۔۔ آدھی پیالی

چینی۔۔۔۔۔۔۔۔۔۔ ایک کھانے کا چمچ

کارن فلور۔۔۔۔۔۔۔۔۔۔۔ ڈیڑھ کھانے کاچمچ

سفید چنے(ابلے ہوئے)۔۔۔۔۔۔۔۔۔۔۔۔۔ دو پیالی

آلو(ابال کر چھوٹے ٹکڑے کئے ہوئے)۔۔۔۔۔۔۔۔۔۔۔۔ دو عدد درمیانے

آئل۔۔۔۔۔۔۔۔۔۔ حسب ضرورت

ترکیب

سب سے پہلے دونوں دالوں کو دھو کر ایک گھنٹہ بھگو دیں،پھر اس میں پیاز اور ادرک ڈال کر پیسں لیں۔

میٹھا سوڈا ملا کر اچھی طرح پھینٹیں اور ڈھک کر گرم جگہ پر ایک سے دو گھنٹوں کے لئے رکھ دیں۔

اس کے بعد کڑاہی میں آئل کو درمیانی آنچ پر تین سے چار منٹ گرم کریں اور پسی ہوئی دال کو دوبارہ سے پھینٹ کر چمچ کی مدد سے تیل میں ڈال کر گولڈن فرائی کر لیں۔

اب ان کو نمک ملے گرم پانی میں دس سے پندرہ منٹ بھگوئیں۔

اب تیار کردہ پھلکیاں دونوں ہاتھوں کے بیچ رکھ کر ہلکے سے دبا کر پانی نکال دیں۔ دہی کو پھینٹ کر اس میں چینی،نمک،کارن فلور اور دودھ ملائیں۔