گلوکار عاصم اظہر نے وفاقی وزیرِ تعلیم شفقت محمود کی جانب سے امتحانات ملتوی ہونے پر بچوں کو مبارکباد پیش کردی ہے۔

عاصم اظہر نے سماجی رابطے کی ویب سائٹ ٹوئٹر پر خصوصی پیغام بھی جاری کیا ہے۔

Mubarak bacho. 🥳 Ab khuda ka waasta hai parties aur get togethers bhi cancel karna apne aur ghar baithna until we’re done with covid 🙏🏽

— Asim Azhar (@AsimAzharr) April 27, 2021

گلوکار نے اپنے ٹوئٹ میں طلبہ سے درخواست کرتے ہوئے لکھا ہے کہ’اب خدا کا واسطہ ہے دوستوں سے ملنا جلنا شروع نہ کردینا اور نہ ہی پارٹیز کرنا۔‘

انہوں نے طلبہ کو ہدایت دیتے ہوئے کہا کہ گھر پر بیٹھنا ہے جب تک کہ ہم کورونا وائرس سے چھٹکارا نہیں حاصل کرلیتے۔

واضح رہے کہ گلوکار عاصم اظہر نے حکومت کے امتحانات لینے کے فیصلے پر تنقید کی تھی۔

گلوکار نے حکومت کو کورونا وائرس کے بڑھتے کیسز کو دیکھتے ہوئے امتحانات منسوخ کرنے کے بارے میں غور کرنے کا مشورہ دیا تھا۔

تاہم  وفاقی وزیر تعلیم شفقت محمود نے 15 جون تک ہر قسم کے امتحانات ملتوی کرنے کا اعلان کردیا ہے۔