وزیراعظم عمران خان کی زیرصدارت مشترکہ مفادات کونسل کا اجلاس ہوا ہے۔

ذرائع کے مطابق وزیراعظم عمران خان کی زیرصدارت اجلاس میں مشترکہ مفادات کونسل کے مستقل سیکرٹریٹ کی منظوری دے دی گئی ہے۔

مردم شماری کے نتائج جاری کرنے کے معاملے پر سوموار کو دوبارہ اجلاس جاری کرنے کا فیصلہ کر دیا گیا ہے۔

وزیراعلیٰ سندھ نے مردم شماری کے نتائج جاری کرنے کے معاملے کو نئی مردم شماری سے جوڑنے کا مطالبہ کر دیا ہے۔

ذرائع نے کہا ہے کہ وزیراعلٰی بلوچستان نے مردم شماری کے نتائج سے متعلق وقت مانگ لیا ہے۔

ذرائع کے مطابق اجلاس میں سندھ کو 3800 میگاواٹ اضافی بجلی دینے کی منظوری کر دی گئی  ہے۔

اجلاس کے دوران وزیراعلیٰ بلوچستان نے بجلی کی تقسیم کار کمپنی کا مطالبہ کیا ہے۔

ایل این جی کے ریٹ طے کرنے سے متعلق تجویز کی منظوری بھی دے دی گئی ہے۔

وزیراعظم کی زیرصدارت اجلاس میں فیصلہ ہوا ہے کہ وفاق ہائیرایجوکیشن کمیشن کے معاملات طے کرے گا۔

اجلاس میں یہ فیصلہ بھی ہوا ہے کہ صوبائی فوڈ اتھارٹیز کے معیار وفاق طے کرے گا۔

اجلاس میں دس سال سے پہلے مردم شماری کرانے کا فیصلہ  بھی کیا گیا ہے۔