وزیر اعظم عمران خان آج سرگودھا کا دورہ کریں گے۔

تفصیلات کے مطابق وزیر اعظم عمران خان آج سرگودھا میں نیاپاکستان ہاؤسنگ اسکیم کاسنگ بنیادرکھیں گے، پہلے مرحلے میں 10ہزار گھر تعمیر کیے جائیں گے۔

وزیر اعظم عمران خان کےدورےکے انتظامات مکمل کرلئے گئے ہیں۔ نجی ہاؤسنگ سوسائٹی میں ہیلی پیڈ اورپنڈال تیارکرلیا گیا۔

 ذرائع کے مطابق سیکیورٹی کےلئے پولیس کی بھاری نفری جھال چکیاں بائی پاس پرتعینات کر دی گئی ہے۔

ذرائع کے مطابق پہلے مرحلےمیں 10ہزار گھر تعمیر کیے جائیں گے، منصوبے کا پہلا مرحلہ ایک سال میں مکمل کیا جائے گا۔

وزیر اعلیٰ پنجاب سردار عثمان بزدار بھی آج سرگودھا جائیں گے جہاں وہ پرائم منسٹر افورڈ ایبل ہاؤسنگ پراجیکٹ کے سنگ بنیاد کی تقریب میں شرکت کریں گے۔

دوسری جانب وفاقی وزیرفواد چوہدری کا کہنا ہےکہ 50 لاکھ گھروں کی تعمیر کا وعدہ حقیقت میں ڈھل رہا ہے۔

پچاس لاکھ گھروں کی تعمیر کا وعدہ اب حقیقت میں ڈھل رہا ہے، وہ سیاسی مخالفین جن کو لگتا تھا یہ کیسے ہو سکتا ہے عمران خان پچاس لاکھ گھر کیسے بنا سکتے ہیں اب شرمندہ ہیں، ترقی کا سفر جاری رہے گا۔ انشاللہ

— Ch Fawad Hussain (@fawadchaudhry) April 14, 2021