پنجاب کے وزیرِ تعلیم مرادراس نے سیالکوٹ میں  کورونا کیسز کی شرح میں کمی کے باعث سرکاری و نجی اسکول کھولنے کا اعلان کر دیا ہے۔

تفصیلات کے مطابق پنجاب کے وزیرِ تعلیم مرادراس نے سماجی رابطے کی ویب سائٹ ٹویٹر پر اپنے ایک پیغام میں کہا کہ سیالکوٹ میں  کورونا کیسز کی شرح 3 فیصد ہو گئی ہے کورونا کیسز میں کمی کے باعث آج سے تمام سرکاری اور نجی اسکول کھل جائیں گے۔

All Public and Private Schools will be open in Sialkot starting tomorrow April 26th, 2021 due to the infection rate at 3%. Sialkot will follow the schedule of Districts without restrictions. Please follow SOPs. pic.twitter.com/5wny6OZWNv

— Murad Raas (@DrMuradPTI) April 25, 2021

اپنے پیغام میں پنجاب کے وزیرِ تعلیم مرادراس نے شہریوں سے کورونا ایس او پیز پر سختی سے عمل کرنے کی اپیل بھی کی ہے۔

 یاد رہے اس سے قبل بھی پنجاب کے وزیرِ تعلیم مرادراس نے کورونا وائرس کے تیزی سے پھیلنے کے باعث صوبے بھر کے 25 اضلاع میں سرکاری و نجی اسکول بند کرنے کا اعلان کیا تھا۔

انہوں نے کہا تھا کہ ان 25 اضلاع میں نویں سے بارہویں جماعت کے طلباء ہفتے میں 2 دن اسکول بھی نہیں جائیں گے۔

مراد راس نے مزید کہا تھا کہ جن اضلاع میں کورونا کیسز کی شرح 5 فیصد سے زیادہ ہے وہاں تعلیمی سرگرمیاں معطل کر دی گئی ہیں۔