مسلم لیگ ن کے رہنما اور سابق وزیراعظم شاہد خاقان عباسی کا کہناہے کہ الیکشن شفاف نہ رکھا جائے تو سوالات کھڑے ہوتے ہیں، جتنی تفصیلات ہم نےحاصل کیں اس میں ہمارےنمبرالیکشن کےغیرحتمی نتیجے سےبڑھ گئےہیں۔

شاہد خاقان عباسی نے پریس کانفرنس کرتے ہوئے کہا کہ پولنگ افسرسے کہارات کے 2 بج گئے ، ابھی تک نتیجہ نہیں آیا، سجادخٹک،ندیم حیدر،عبدالرحمان نےپہلےسےفیصلہ لکھ کررکھاہواتھا۔

انہوں نے کہا کہ 100 سےزائدفارم45ایسےہیں جن پرپریذائیڈنگ آفیسرکےدستخط نہیں،ٹی ایل پی کےحساب سے146پولنگ اسٹیشن باقی ہیں،700ووٹ مستردہوئےہیں۔

شاہد خاقان عباسی کا مزید کہناتھا کہ ووٹنگ کی شرح 5فیصدسےکم ہواوردیگرشبہات ہوں تودوبارہ گنتی کاقانون موجودہے،جو آر او ڈیٹا دینے سے انکار کردے اس سےآپ کیا توقع کرسکتے ہیں۔