پاکستان پیپلزپارٹی کے چیئرمین بلاول بھٹو زرداری نے کہا ہے کہ پی ٹی آئی حکومت کی و جہ سے بے روز گاری میں اضافہ ہوا ہے۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے اپنے ایک بیان میں کہا کہ ہم ہر فورم پر غریب عوام کے حق کی بات کریں گے۔

انہوں نے کہا کہ شہبازشریف کے موقف کو مسلم لیگ ن کا موقف سمجھیں گے ،شہبازشریف ن لیگ کے صدر اور اپوزیشن لیڈر ہیں۔

بلاول بھٹو نے یہ بھی کہا کہ ہم بلوچستان اور سندھ کے عوام کے لئے آواز اٹھاتے ہیں۔

پاکستان پیپلزپارٹی کے چیئرمین کا کہنا تھا کہ اپوزیشن پی پی کی مخالفت کے بجائے حکومت کی طرف توجہ دیں۔

انہوں نے کہا کہ پانی کے معاملے پر نئے معاہدے کی ضرورت ہے ،میں نے پی ڈی ایم کے نوٹس کو پھاڑا ہے ہمارا موقف واضح ہے۔

پاکستان پیپلزپارٹی کے چیئرمین بلاول بھٹو زرداری نے مزید کہا کہ ہم مریم نواز یا کسی اور کو جوابدہ نہیں بلکہ جیالوں کوجوابدہ ہیں۔