وزیراعظم عمران خان نے کہا ہے کہ ختم نبوت کے قانون پر سمجھوتا نہیں ہو گا۔

ذرائع کے مطابق وزیراعظم عمران خان کی زیر صدارت جی ایس پی اسٹیٹس کا اہم اجلاس ہوا ہے جس میں عمران خان نے یورپی یونین کی قرار دار میں اٹھائے جانے والے نقات کے حوالے سے مشاورت کی ہے۔

ذرائع  کا کہنا ہے کہ اجلاس میں یورپی یونین کے تحفظات کو دور کرنے کا فیصلہ کیا گیا ہے۔

ذرائع نے کہا کہ جبری گمشدگی ،صحافیوں کے تحفظ  اور آزادی اظہار کے قوانین جلد پارلیمنٹ میں لانے کا فیصلہ بھی کیا گیا ہے۔

ذرائع نے یہ بھی کہا کہ اقلیتوں کے حقوق کے تحفظ کو یقینی بنایا جائے گا۔

ذرائع کا مزید کہنا تھا کہ جی ایس پی اسٹیٹس کے حوالے سے ہونے والے معاہدے کا توہین رسالت قوانین سے کوئی تعلق نہیں ہے۔