پاکستان شوبز انڈسٹری کی اداکارہ کنزہ ہاشمی کی ویڈیو وائرل ہو گئی ہے۔

اداکارہ کنزہ ہاشمی نے حال ہی میں ایک انٹرویو دیا ہے جس میں سے ایک دلچسپ مختصر کلپ خوب وائرل ہو رہا ہے۔

کنزہ ہاشمی کی وائرل ویڈیو میں دیکھا جا سکتا ہے کہ اداکارہ بتا رہی ہیں اُن کا ایک پالتو چوزا تھا جس کا اُن کی والدہ نے قتل کر دیا تھا۔

کنزہ ہاشمی نے بتایا کہ ان کے پاس ایک چھوٹا سا چوزا تھا جس سے اُنہیں بہت پیار ہو گیا تھا۔

اداکارہ نے بتایا کہ اس کا نام میں نے پیلو رکھا تھا، سردیوں کے دنوں میں وہ اُس چوزے کے لیے خصوصی طور پر ہیٹر چلا کر سویا کرتی تھیں تاکہ چوزے کو سردی نہ لگے، مگر اُن کی والدہ ڈرتی تھیں کہ رات میں کہیں ہیٹر بند نہ ہو جائے اور کمرے میں گیس بھرنے سے کوئی نقصان نہ ہو جائے۔

کنزہ ہاشمی کے مطابق ایک دن اُن کی والدہ نے رات گئے ہیٹر بند کر دیا تھا جس کے نتیجے میں اُن کا چوزا سردی لگنے کی وجہ سے مر گیا تھا۔

کنزہ ہاشمی نے بتایا کہ وہ اُس دن بہت روئی تھیں، اُس دن کے بعد سے وہ اپنی والدہ کو قاتل کہتی ہیں کہ کیوں کہ اُن کی والدہ  نےاُن کے بہت پیارے چوزے کا قتل کیا تھا۔