وزیراعظم عمران خان نے ایوان میں نئے اصول و ضوابط متعارف کروانے کا فیصلہ کرلیا ہے۔

تفصیلات کے مطابق وزیراعظم عمران خان کی زیر صدارت ایوان کا ماحول بہتر بنانے کے لئے اعلی سطح کا اجلاس ہوا جس میں بجٹ اجلاس کی حکمت عملی پر ارکان سے مشاورت کی گئی۔

وزیراعظم عمران خان نے اجلاس میں ایوان کا ماحول بہتر بنانے کیلئے اتحادیوں سے بھی مدد مانگ لی۔

[amazonad category=”Auto”]

اجلاس کی صدارت کرتے ہوئے عمران خان نے ہدایت دی کہ پارلیمنٹ میں سازگار ماحول کے لئے نئے اصول و ضوابط مشاورت سے تیار کئے جائیں۔

وزیراعظم نے کہا کہ ہر حال میں قومی اسمبلی میں نظم و ضبط کو یقینی بنائیں۔

عمران خان نے یہ بھی کہا کہ حکومتی ہو یا اپوزیشن، نظم و ضبط کی خلاف ورزی پر بلا تفریق کارروائی کریں۔

وزیراعظم عمران خان نے مزید کہا کہ ایوان میں جو کچھ ہوا اس پر دکھی ہوں، احتجاج کا حق سب کو ہے لیکن ہلڑ بازی برداشت نہیں کریں گے۔

اجلاس میں اسپیکر اسد قیصر، وزیر خارجہ شاہ محمود، شفقت محمود، اسد عمر اور عامر ڈوگر ، حکومتی وزراء پارٹی عہدیداران، اتحادی وزراء فہمیدہ مرزا، امین الحق اور اتحادیوں نے بھی شرکت کی۔