حکومت پنجاب نے کورونا کے تدارک اور ویکسی نیشن کےعمل کو تیز کرنے کیلئے اہم فیصلے کرلئے ہیں۔

تفصیلات کے مطابق ویکسی نیشن نہ کروانے والے افراد کا موبائل سم کارڈ بلاک کرنے کا حتمی فیصلہ کرلیاگیا ہے۔

ذرائع کے مطابق  12جون سے پنجاب بھرمیں 18سال عمرسے زائد افرادکی واک ان ویکسی نیشن کا فیصلہ کیا گیا ہے۔

 پنجاب کے اہم مزارات کے باہرموبائل ویکسی نیشن کیمپ قائم کرنے کا بھی فیصلہ کیا گیا ہے۔

ذرائع کے مطابق 20فیصد آبادی کی ویکسی نیشن کروانے والے تمام اضلاع میں مکمل کاروبار کھول دئیے جائینگے۔

واضح رہےکہ یہ تمام اہم فیصلے صوبائی وزیر صحت ڈاکٹریاسمین راشدکی زیرصدارت سول سیکرٹریٹ میں کوروناکی صورتحال کا جائزہ لینے کیلئے اعلیٰ سطح کے اجلاس کے دوران کیے گئے ہیں۔