پاکستان سپر لیگ کے چھٹے ایڈیشن کے 20ویں میچ میں اسلام آباد یونائیٹڈ نے ٹاس جیت کر پہلے بیٹنگ کرنے کا فیصلہ کر لیا۔

تفصیلات کے مطابق ابوظبی میں کھیلے جا رہے اس میچ میں یونائیٹڈ کی ٹیم میں حسن علی اور عاکف جاوید کی جگہ پر فواد احمد اور علی خان کو شامل کیا گیا ہے۔

اس حوالے سے کپتان اسلام آباد یونائیٹڈ کا کہنا ہے کہ حسن علی ورلڈ کلاس کرکٹر ہیں ان کی کمی محسوس ہوگی۔

جبکہ لاہور قلندرز کے کپتان سہیل اختر کا کہنا ہے کہ یونائیٹڈ کے خلاف گزشتہ میچ بھی آخری اوور تک گیا تھا۔

سہیل اختر نے کہا کہ  ہماری بیٹنگ لائن پرفارم کر رہی ہے.

لاہور قلندرز کے کپتان  نے مزید کہا کہ پلان یہی ہے کہ ہرمیچ کو اہم سمجھ کر کھیلیں۔

انہوں  نے بتایا کہ محمد فیضان کی جگہ ذیشان اشرف کو ٹیم میں شامل کیا ہے۔

لاہورقلندرز کی ٹیم میں کپتان سہیل اختر، فخرزمان، محمد حفیظ، بین ڈنک، ٹم ڈیوڈ، راشد خان، جیمز فولکنر، ذیشان اشرف، احمد دانیال، حارث رؤف اور شاہین آفریدی پر مشتمل ہے۔

اسلام آباد یونائیٹڈ کی ٹیم میں شاداب خان، کولن منرو، عثمان خواجہ، حسین طلعت، افتخار احمد، آصف علی، محمد موسیٰ، روحیل نذیر، فواداحمد، علی خان اور محمد وسیم شامل ہیں۔