پاکستان شوبز انڈسٹری کی صف اول  کی اداکارہ عائزہ خان کی سپراسٹار ماہرہ خان کے مقبول گانے ’’نوری‘‘ پر ڈانس کرنے کی ویڈیو سوشل میڈیا پر کافی وائرل ہورہی ہے۔

سوشل میڈیا رپورٹس کے مطابق گزشتہ روز اداکارہ عائزہ خان نے انسٹاگرام اکاؤنٹ پر ایک ویڈیو شیئر کی جس میں وہ ماہرہ خان کے مقبول گانے’’نوری‘‘ کے انداز میں تیار ہوکر گانے پر ڈانس کرتی ہوئی نظر آرہی ہیں۔

سوشل میڈیا صارفین نے اس سے قبل عائزہ خان کو کبھی ڈانس کرتے ہوئے نہیں دیکھا لہذا اس ویڈیو کو دیکھ کر عائزہ کے مداح نا صرف خوشگوار حیرت میں مبتلا ہوگئے بلکہ ان کی ویڈیو کو خوب سراہا بھی جا رہا ہے۔

بات یہی ختم نہیں ہوئی بلکہ کچھ صارفین نے تو انہیں ماہرہ خان سے بھی زیادہ اچھی ڈانسر قرار دے دیا ہے۔