پاکستانی کوہ پیما ساجد سدپارہ اپنے والد اور قومی ہیرو علی سدپارہ کا جسد خاکی بوٹل نک سے کیمپ 4 پہنچانے میں کامیاب ہوگئے ہیں۔

تفصیلات کے مطابق  بوٹل نک سے کیمپ 4 تک پہنچانے میں  فلم میکر ساتھیوں نے ساجد سدپارہ کا ساتھ دیا ہے۔

ساجد سدپارہ کا کہنا ہے کہ دونوں ساتھیوں کا شکریہ ادا کرتا ہوں جنہوں نے جسد خاکی کیمپ 4 تک پہنچانے میں میری مدد کی جبکہ کیمپ 4 سے آبائی گاؤں تک پہنچانے کے لئے  صوبائی حکومت اور پاک فوج کی مدد بھی درکار ہے۔

ان کا کہنا تھا کہ صوبائی حکومت اور پاک فوج کے امداد کے بغیر جسد خاکی سکردو تک پہنچانا ناممکن ہے جبکہ جسد خاکی کو کیمپ 4 لاکر برف میں  دفنا دیا ہےاور قبر پر سبز ہلالی پرچم بھی لہرا دیا ہے۔

واضح رہے کہ انہوں نے پوری پاکستانی قوم سے علی کے ایصال ثواب کیلئے دعا کی اپیل بھی کی ہے۔