صوبائی دارالحکومت لاہور سمیت پنجاب کے بالائی علاقوں میں گرج چمک کے ساتھ طوفانی بارشوں کی امکان بتایا جارہا ہے۔

پنجاب ڈیزاسٹر مینجمنٹ اتھارٹی نے الرٹ جاری کرتے ہوئے کہا ہے کہ بارشوں سے دریائوں میں اونچے درجے کا سیلاب آنے کا اندیشہ ہے جبکہ ندی نالوں میں بھی طغیانی آسکتی ہے۔

پی ڈی ایم اے نے وارننگ جاری کرتے ہوئے مزید کہا ہے کہ دریائے چناب میں مرالہ خانکی کے مقام پر اونچے درجے کے  سیلاب کا خدشہ ہے جبکہ دریائے روای اور چناب سے بھی ملحقہ نالوں میں اوسط درجے کے سیلاب کا خدشہ ہے۔

واضح رہے کہ پنجاب کے شمالی ، شمال مشرقی علاقے اور ڈی جی خان ڈویژن 30جولائی تک تیز بارشوں کی لپیٹ میں رہیں گے۔