سربراہ پاک فضائیہ ائیر چیف مارشل ظہیر احمد بابر سدھو نے کہا ہے کہ پاکستان کی خوشحالی کا دارومدار بلوچستان کی ترقی پر ہے۔
ترجمان پاک فضائیہ کے مطابق نیشنل سیکورٹی ورکشاپ بلوچستان کے شرکاء نے ائیر ہیڈ کوارٹرز اسلام آباد کا دورہ کیا جہاں انہوں نے سربراہ پاک فضائیہ ائیر چیف مارشل ظہیر احمد بابر سدھو سے ملاقات کی۔
ترجمان پاک فضائیہ کا کہنا ہے کہ سیکورٹی ورکشاپ کے شرکاء کو پاک فضائیہ کے تنظیمی ڈھانچے اور ذمہ داریوں پر بریفنگ دی گئی۔
ترجمان پاک فضائیہ کا یہ بھی کہنا ہے کہ وفد میں پارلیمنٹیرینز ، قبائلی زعماء ، علماء کرام ، سیاسی شخصیات، معززین، سرکاری افسران ، ماہر تعلیم، وکلاء اور سول سوسائٹی کے ممبران نے شرکت کیں۔
اس موقع پر سربراہ پاک فضائیہ ائیر چیف مارشل ظہیر احمد بابر سدھو نے کہا کہ پاک فضائیہ دوسرے ملکی اداروں کے ساتھ مل کر بلوچ نوجوانوں کو قومی ترقی کے دھارے میں لانے کے لئے ہر ممکن اقدام کر رہی ہے۔
ائیر چیف مارشل ظہیر احمد بابر سدھو نے یہ بھی کہا کہ پاکستان کی خوشحالی کا دارومدار بلوچستان کی ترقی پر ہے۔
سربراہ پاک فضائیہ ائیر چیف مارشل ظہیر احمد بابر سدھو نے مزید کہا کہ پاک فضائیہ مستقبل کی فضائی جنگ میں تکنیکی صلاحیت اور جدیدیت کے حصول کے لیے کوشاں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News