نورمقدم قتل کیس میں ملزم ظاہر جعفر کے جسمانی ریمانڈ میں 2 دن کی توسیع کرکے ملزم کو پولیس کے حوالے کردیا گیا ہے۔

تفصیلات کے مطابق مدعی کے وکیل شاہ خاور کی جانب سے مزید ریمانڈ دینے کی استدعا کی گئی تھی، ان کا کہنا تھا کہ سی سی ٹی وی فوٹیج سے بہت سی نئی چیزیں سامنے آئی ہیں۔

دوسری جانب ملزم کے وکیل نے ملزم ظاہر جعفر کے مزید جسمانی ریمانڈ کی مخالفت کرتے ہوئے کہا تھا کہ ملزم کا پولی گرافک ٹیسٹ بھی ہو چکا ہے جبکہ ملزم سے ریکوری ہو چکی ہے، مزید جسمانی ریمانڈ کی کیا ضرورت ہے۔

عدالت نے ملزم ظاہرجعفر کو 2 اگست کو دوبارہ عدالت کے سامنے پیش کرنے کا حکم دیا ہے۔