وزیراعظم عمران خان نے کہا ہے کہ وزارت قانون پر بہت دباؤ ہے۔

تفصیلات کے مطابق وزیر اعظم عمران خان نے اسلام آباد میں وراثتی سرٹیفکیٹ کی تقریب سے خطاب  کرتے ہوئے کہا کہ عدالتوں میں آدھے کیسز زمینوں کے ہیں۔

عمران خان نے وراثتی سرٹیفکیٹ کے کام پر وزیر قانون کی تعریف کرتے ہوئے کہا کہ وزارت قانون پر بہت دباؤ ہے، پہلی بار یہ نظام لایا جارہا ہے جس سے پاکستانیوں کو بڑی امیدیں ہیں۔

عمران خان کا کہنا تھا کہ قبضہ گروپ کو پکڑتے ہیں تو وہ عدالت سے ضمانت پر باہر آجاتے ہیں، سزا اتنی کم ہے کہ کسی کو ڈر ہی نہیں۔

وزیر اعظم عمران خان کا مزید کہنا تھا کہ زمینوں کی فائل گم ہوجاتی ہے یا تو پھر زمینوں کی فائلوں کو آگ لگ جاتی ہے۔ اگست تک اسلام آباد کے لینڈ ریکارڈ کمپیوٹرائزڈ ہوجائیں گے۔