گورنر پنجاب چوہدری محمد سرور نے کہا کہ 95 ہزار سے زائد کشمیری بھارتی افواج کی دہشتگردی کا نشانہ بن چکے ہیں۔

تفصیلات کے مطابق گورنر پنجاب چوہدری محمد سرور نے سماجی رابطے کی ویب سائٹ ٹوئٹر پر اپنے ایک پیغام میں کہا کہ مقبوضہ کشمیر میں بھارتی افواج 70 سالوں سے بندوق سے لیکر ٹینک تک ہر طاقت استعمال کر رہی ہے۔

انہوں نے کہا کہ بھارت کشمیر میں انسانی حقوق کا قتل اور دنیا کی سب سے بڑی دہشتگردی کر رہا ہے۔

مقبوضہ کشمیر میں بھارتی افواج 70 سالوں سے بندوق سے لیکر ٹینک تک ہر طاقت استعمال کر رہی ہے'95ہزارکشمیر ی شہید '1لاکھ 7ہزار بچے یتیم ہوچکے.مگر کشمیری بچوں کی #Pakistan سے محبت اوربھارتی صحافی سے گفتگو ثابت کر رہی ہے کشمیر بنے گا پاکستان. کشمیری #India سے نفرت کرتے ہیں
#Kashmir pic.twitter.com/07dStpIACO

Advertisement

— Mohammad Sarwar (@ChMSarwar) August 19, 2021

چوہدری محمد سرور نے اپنے ٹوئٹر پیغام میں مزید کہا کہ دنیا کی کوئی طاقت کشمیریوں کے حوصلے پست نہیں کرسکتی انشااللہ کشمیر ضرور آزاد ہوگا۔

اس موقع پر گورنر پنجاب چوہدری محمد سرور نے قومی ہیرو راشد منہاس شہید کو بھی 50ویں یوم شہادت پر خراج تحسین پیش کرتے ہوئے کہا کہ افواج پاکستان کی قربانیاں اس دھرتی کے ماتھے کا جھومر ہیں اور ہمیں اپنی افواج پر فخر ہے۔

گورنر پنجاب چوہدری محمد سرور نے مزید کہا کہ ملکی سرحدوں کی دفاع کے لیے جام شہادت نوش کرنے والوں کو قوم سلام پیش کرتی ہے۔