ایڈمنسٹریٹر کراچی مرتضیٰ وہاب نے کہا ہے کہ لاک ڈاؤن  کل سے ختم نہیں ہو رہا بلکہ اس میں نر می کی جا رہی ہے، لاک ڈاؤن جو لگایا اس میں کافی کمی آئی ہے۔

تفصیلات کے مطابق فوڈ پانڈہ اور اکڑاہ کے ویکسینیشن سینٹر سے تقریب سے خطاب کرتے ہوئے ایڈمنسٹریٹر کراچی مرتضیٰ وہاب کا کہنا تھا کہ  میں سندھ حکومت، فوڈ پانڈہ اور اکڑاہ کا شکر گزار ہوں۔

 ان کا کہنا تھا کہ فوڈ پانڈہ کے جو رائیڈر ہیں ان کو ویکسین کروانا لازم ہے، شہر کے بیچ میں ویکسینیشن سینٹر قائم کیا گیا  ہے، پچھلے 24 گھنٹوں میں 2 لاکھ سے زائد ویکسین لگائی گئی ہیں۔

مرتضیٰ وہاب کا کہنا تھا کہ ہسپتال میں پوزیٹو کورونا کے پریسنٹیج میں کمی آئی ہے۔

ایڈمنسٹریٹر کراچی مرتضیٰ وہاب  کا مزید کہنا تھا کہ بلدیاتی انتخابات الیکشن کمیشن نے کروانا ہے ہم نے نہیں ،ایلکشن کمیشن قانون کی روشنی میں حکم دے گا پی پی پی ایلکشن کروا دے گی۔