کورونا وائرس کی چوتھی خطرناک لہر کے باعث سندھ حکومت  کی جانب سے شہر قائد میں لگے لاک ڈاؤن کی  پابندیوں میں آج سے نرمی کا اعلان کردیا گیا ہے۔

تفصیلات کے مطابق سندھ حکومت  نے 8 روز کے بعد آج سے کاروبار صبح 6 بجے سے رات 8 بجے تک کرنے کی اجازت دے دی ہے ، شہر کی تمام مارکیٹیں جن میں حیدری ، نارتھ ناظم آباد ، زینب مارکیٹ ، لیاقت آباد ، صدر اور واٹر پمپ کے بازاروں سمیت تمام بازاروں میں آج سے کاروبار کا آغاز ہوگیا ہے۔

آئی آئی چندریگر روڈ اور ٹاور کے تجارتی مراکز بھی کھل گئے ہیں۔

واضح رہے کہ شہر کے ریسٹورنٹ میں  آؤٹ ڈورڈائننگ کی رات  10 بجے تک اجازت دی گئی ہے جبکہ ان ڈورڈائننگ پر تاحال پابندی عائد ہے۔