ملتان میں ضلعی انتظامیہ کی جانب سے غیر قانونی ایل پی جی اور پٹرول فروخت کرنے والوں کے خلاف شدید کریک ڈاؤن کیا گیا ہے۔

تفصیلات کے مطابق کریک ڈاؤن کے نتیجے میں 15 دکانیں اور 7 بوگس پٹرول پمپ سیل کردیے گئے ہیں اسکے علاوہ  10 افراد بھی گرفتار کر لیے گئے ہیں۔

اے سی سٹی خواجہ عمیر کا کہنا ہے کہ غیر قانونی طور پر پٹرول اور ایل پی جی  ری فلنگ کی کسی طور اجازت نہیں دینگے ، محرام الحرام  پر غیر قانونی آئل ایجنسیاں کسی بھی حادثے کا موجب بن سکتی ہیں۔

واضح رہے کہ خواجہ عمیر نے گرفتار ملزمان کے خلاف مقدمات درج کراکے کارروائی کا بھی آغاز کردیا ہے۔