کیا آپ کو معلوم ہے کہ کرشمہ کپور بھی سلمان خان اور کرینہ کپور کی فلم ’باڈی گارڈ‘ کا حصہ تھیں۔

غیر ملکی خبر رساں ادارے کے مطابق اس فلم میں کرینہ کپور، سلمان خان کو تنگ کرنے کے لیے گمنام لڑکی بن کر فون کرتی ہے جس سے سلمان خان دور رہنا چاہتے ہیں۔

یہ بات بہت کم لوگوں کو معلوم ہوگی کہ فلم میں چھایا کی آواز دراصل کرینہ کی بڑی بہن کرشمہ کی تھی۔

کرشمہ نے انٹرٹینمنٹ کی رات نامی پروگرام میں تین برس قبل بتایا تھا کہ وہ بھی فلم باڈی گارڈ کا حصہ رہی ہیں۔

 کرشمہ کپور نے بتایا کہ فلم میں سلمان کو تنگ کرنے والی آواز دراصل میری ہی آواز تھی۔

اس حوالے سے اداکارہ  نے بتایا کہ میری سلمان سے بہت اچھی دوستی ہے اور وہ میرے کافی قریب ہے۔

کرشمہ کپورنے مزید بتایا کہ کرینہ سلمان کے لیے ایک چھوٹی سی بچی ہے اور وہ اسے اسی انداز میں ڈیل کرتے ہیں۔