شبلی فراز کا کہنا ہے کہ دھاندلی کے خاتمے کا واحد طریقہ الیکٹرونک ووٹنگ مشین ہے۔

تفصیلات کے مطابق وفاقی وزیر سائنس و ٹیکنالوجی شبلی فراز نے پارلیمنٹ ہاؤس میں قومی اسمبلی اسد قیصر ، ڈپٹی سپیکر قاسم سوری ، ، عامر ڈوگر اور امجد نیازی کے ہمراہ نیوزکانفرنس کرتے ہوئے کہا ہے کہ سیالکوٹ میں ہونےوالے حالیہ الیکشن کو بھی مشکوک بنادیا گیا ہے، ٹیکنالوجی کے استعمال کا وقت آگیا ہے، دھاندلی کے خاتمے کا واحد طریقہ الیکٹرونک ووٹنگ مشین ہے۔

ان کا کہنا ہے کہ یہ الیکشن ووٹنگ مشین ہیک نہیں ہوسکتی جب الیکشن کمیشن الیکٹرونک ووٹنگ مشین کے استعمال کی اجازت دے گا اس کا استعمال ہوگا۔

 شبلی فراز نے کہا ہے کہ الیکٹرونک ووٹنگ مشین میں ووٹنگ کا عمل مکمل ہونے پر فارم  45 پرنٹ ہوکر سامنے آجائے گا،آر ٹی ایس کا نظام اس نظام کے آنے سے ختم ہوجائے گا، فراز ای وی ایم سائبر اٹیک کا مقابلہ کرنے کی صلاحیت رکھتی ہے۔

انھوں نے مزید کہا ہے کہ الیکشن کمیشن فیصلہ کرے گا کہ مشین ان کے تقاضے پورے کرتی ہے یا نہیں، کون سی الیکٹرونک ووٹنگ مشین استعمال ہوگی فیصلہ الیکشن کمیشن نے کرنا ہے۔