شہلا رضا کا کہنا ہے کہ وومن ڈیولپمنٹ ڈیپارٹمنٹ تیزی سے کام کررہا ہے۔

تفصیلات کے مطابق پی پی کی رہنما شہلا رضا نے میڈیا سے گفتگو کرتے ہوئے کہا ہے کہ وومن ڈیولپمنٹ ڈیپارٹمنٹ تیزی سے کام کررہا ہے، خواتین کو تحفظ دینے کے لئے دیس پاکستان کے ساتھ ایم او یو سائن کیا ہے۔

ان کا کہنا ہے کہ ہم محکمہ کو بہتر بنانے کے لئے کام کررہے ہیں، ضلعی بجٹ مل گیا ہے نیا اسٹاف بھی بھرتی کیا جائے گا۔

شہلا رضا نے کہا ہے کہ ہماری کوشش ہے کہ مردوں کی مداخلت پناہ گاہوں میں کم ہو۔

شہلا رضا کا مزید کہنا ہے کہ مجھے خوشی ہے کہ پی ڈی ایم استعفی نہیں دے رہی احتجاج کررہی ہے، خوشی ہے کہ پی ڈی ایم ہمارے نقش قدم پر چل رہی ہے۔