حسن مرتضی کا کہنا ہے کہ پیپلز پارٹی وہ جماعت ہے جس نے صوبوں کو مالی خود مختاری دی ہے۔

تفصیلات کے مطابق پیپلز پارٹی پنجاب کے پارلیمانی لیڈر حسن مرتضیٰ  نے کہا ہے کہ بلوچستان سے اہم سیاسی شخصیات کی پیپلز پارٹی میں شمولیت بارش کا پہلا قطرہ ہے۔

ان کا کہنا ہے کہ سردار ثنا اللہ زہری، قادر بلوچ اور دیگر سیاسی شخصیات کو پارٹی میں شمولیت پر خوش آمدید کہتے ہیں، پیپلز پارٹی ہی وہ جماعت ہے جس نے بلوچستان حقوق پیکج کا اعلان کیا اور صوبوں کو مالی خود مختاری دی ہے۔

انھوں نے کہا ہے کہ آئندہ ا نتخابات کے بعد بلوچستان میں عوامی راج اور جیالا وزیر اعلی ہو گا، آنیوالے دنوں میں پنجاب  سے بھی سیاستدانوں کی ایک بڑی تعداد پیپلز پارٹی کا حصہ بننے جا رہی ہے۔

پیپلز پارٹی کے پنجاب پارلیمانی لیڈر نے کہا ہے کہ تبدیلی کا اصل بگل بج چکا ہے، مہنگائی،بیروزگاری اور غربت کا جواب پی ٹی آئی کو مسترد کرنیکی  صورت میں ملیگا۔