پاکپتن میں پنجاب پولیس آپے سے باہر ہو گئی ، پنجاب پولیس اپنی بدمعاشی سے باز نہ آسکی،وردی میں غنڈہ گردی عروج پر ہے۔

تفصیلات کے مطابق  پاکپتن  میں شہری کی موٹر سائیکل پولیس ملازم کی موٹر سائیکل  سے ٹکرانا وبالِ جان بن گیا ،پنجاب پولیس کے جوان آپے سے باہر نہتے شہریوں کی شامت آگئی ۔

زرائع  کا کہنا ہے کہ پولیس وردی میں ملبوس قانون نے نہتے شہریوں کی خوب درگت بنائی،گذشتہ رات وی آئی پیز کی گاڑیوں کو گزارنے کی وجہ سے عام زائرین پر بدترین تشدد کیا گیا ۔

 ذرائع کا مزید کہنا ہے کہ مچھلی چوک  پر تعینات ایس ایچ او تھانہ احمد یار نے لاٹھی چارج کرتے ہوئے عام زائرین کے سر پھوڑ دیے جبکہ  پولیس تشدد سے درجنوں زائرین زخمی ہوئے ایک کی حالت تشویشناک ہونے پر اسپتال منتقل کر دیا گیا ۔