ترجمان کے الیکٹرک کہتے ہیں کہ بجلی کے ٹرانسمیشن کے علاوہ کسی اور مقصد کیلئے بجلی کے کھمبوں اور انفراسٹرکچرکا استعمال  سراسر غیر قانونی ہے۔

اپنے جاری کردہ بیان میں ان کا کہنا تھا کہ انٹرنیٹ اور کیبل کی بےہنگم اور غیر محفوظ تاریں کے الیکٹرک کے نیٹ ورک پر بغیر اجازت نصب کی جاتی ہیں ، بارش کے موسم میں یہ غیر قانونی تجاوزات انسانی زندگی کیلئے خطرناک ثابت ہو سکتی ہیں۔

انہوں نے بتایا کہ کے الیکٹرک نے انٹرنیٹ اور کیبل چلانے والی کمپنیوں سے بار بار تجاوزات ہٹانے کی درخواست بھی کی ہے۔

انہوں نے بتایا کہ دیگر یوٹیلٹی کمپنیوں اور اسٹریٹ لائٹس کے کھمبوں کی ملکیت رکھنے والے محکموں سے بھی اپیل کریں گے کہ انسانی زندگیوں کو محفوظ بنانے میں اپنا کردار ادا کریں۔